दुःख अडवायला उंबऱ्यासारखा। Dukh advayla umbaryasarkha

मैत्री वरील कविता

दुःख अडवायला उंबऱ्यासारखा ,

मित्र वनव्यामध्ये गारव्यासारखा……… १

वाट चुकणार नाही जीवनभर कोणी,

एक तू मित्र कर आरशासारखा,

मित्र वनव्यामध्ये गारव्यासारखा……. २

आत्महत्याच करणार नाही कोणी,

मित्र असला जवळ जर मनासारखा,

मित्र वनव्यामध्ये गारव्यासारखा…….. ३

त्रासलो जिंदगी चाळताना पुन्हा,

बस धडा मैत्री वाचण्यासारखा,

मित्र वनव्यामध्ये गारव्यासारखा……. ४

मैत्री चाटते गाय होऊन मना,

जा बिलग तू तिला वासरासारखा,

मित्र वनव्यामध्ये गारव्यासारखा…… ५

कवी अनंत राऊत